आठवणींचा पक्षी

आठवणींचा सुंदर पक्षी,
आज अचानक,बसला येऊन.

दावितसे मोहकसे विभ्रम,
रंगपिसारे फुलवून फुलवून.

जा रे पक्ष्या! जा तू येथून,
नको तुझे मज लाडीक चाळे.

वर्तमान क्षण भुलतो माझा,
भविष्य बघते,रोखून डोळे!

अस्तित्वाचा डंख तुला ना,
मजला याची आहे जाणीव!

निळी निळाई ,नवी नव्हाळी,
स्वप्नसुमांकित रेशीमराणीव..

जा बाबा जा! तुला विनवितो
 नकोस लावू लळा मनाला,

ये एकांती पुन्हा कधीतरी,
गुंफू स्मृती मोत्यांच्या माला.

                  .🍃संतोष