रे फुलांनो माज कसला
का मुखांवर मग्रुरी?
तप्त सुंदर शौर्यहि जे
उद्यमी वा संगरी .
वक्षनक्षि लक्षूनि,अली,पक्षी
मधुस्तव झोंबले
भाट ते तुमचे ,वदा काही
,तये अनुमोदले .
गौर वा ती स्वर्णकांती
,सहजचि कुणी भाळले ,
श्रेय ते त्यांचे ,जयांनी
कौतुके प्रतिपाळले .
मिरवुनी घ्या जोवरी
,प्राजक्त पुष्पी न्हाणतो
येतसे वैशाख वणवा, अंती
अनल दणाणतो .
दर्प आणि परिमळातील
भेद आम्ही जाणतो
सोज्ज्वळांचे गन्ध ज्या,ती
मस्तके अवघ्राणतो.
No comments:
Post a Comment