एकांत

एकांताचा महाल सजता,
कोण येतसे बनुनी पाहुणा?

आळस,कंटाळा की शांती?
गजबज? का,कुणी दूत देखणा?

ज्याचे त्याला असते माहित,आपुले अंतर जरी, खूपदा,

एकांतातच होते ओळख,
पुन्हा नव्याने, पुन्हा एकदा.

चहुबाजुंनी जरी उसळल्या,
कोलाहल गर्दी च्या लाटा,

शोधाव्या टीचभर बोटीतून,
निवांत एकांताच्या वाटा..

माझ्या एकांताच्या दारी,
कवितांची सुंदर रांगोळी,

उन्मेषी रंगांची उधळण,
अक्षय अक्षरदीप दिवाळी. ✨

                             . 🍃संतोष