देऊळ

फडताळलेल्या जीर्ण पोथ्या,काजळलेला दिवा.

घुमटीमध्ये फडफडणारा ,एकाकी पारवा.

तेलकट उभी मूर्त,साखर ,तांदुळाचे दाणे.

ऐसे आमच्या  देऊळांचे,विषणण गार्हाणे.

नाही पूजा ,नित्यकर्म,चिल्लरींचा क्षुद्र धर्म.

दैन्य , आणि  औदासिन्य,नाही मर्म ,नाही वर्म.  

( सद्गुणांच्या गाभाऱ्यात ,भक्ती हीच मूर्ती,

विवेकाची प्रभा फाके,ज्ञान शुद्ध ज्योती.)

मनि दिव्यत्वाची जरी प्रार्थितो राउळे,

वास्तवाचे दृश्य छळे,जीव तळमळे .