ती कविता

रतीबांच्या बाजारी ,शब्दचतुर व्यापारी,

वस्त्र जरी जरतारी,म्लानवदन  'हि कविता'.

नवोन्मेष वृक्ष झडे ,प्रतिभेचा चंद्र दडे,

शब्दच्छल नित्य घडे,गर्भगळीत ' हि कविता'

क्षण फुलती  आनंदी, दुःख कुठे आक्रंदि ,

जोजवि त्या  बनून शब्द ,वत्सलवन ,ती कविता.

झळाळून तेज उठे ,दैन्यतिमिर कोष फुटे,

अग्निपुष्प ,वैशाखी,लखलखते ती कविता.

खळखळता ,मुक्त झरा ,शुध्दहृदय ,नित्य खरा,

तुकयाचा शब्द शब्द ,वृद्ध जरी ' ती कविता".