*तो* चे *ती* शी होते भांडण,
असेल किंवा नसेल कारण!
खोड दुज्याची पक्की ठाऊक,
जुन्या चुकांच्या घटना तारण!
तुरा शिरावर तो मात्रेचा
*तो* चा तोरा *ती* ला टोचे.
*ती* ची वळली वर वेलांटी
अबोल *ती* त्या *तो* ला बोचे.
तर्हेवाईका जैसे *तो* चे
असे वागणे भलते बाई!
घुमेपणाने *ती* का राही?
कडी मनाची उघडत नाही!.....
आणि लागते चाहूल *त्याची*,
*तो* की *ती* हे माहित नाही!
गोड शिरशिरी दोघांनाही,
तोष *तो* व *ती* व्यापून वाही!
*ती* च्या अस्तीत्वा ला आता
*तो* चा प्रेमळ स्निग्ध पहारा,
मिटते भांडण आता प्रतिक्षा,
*तो*,*ती* यांचा वितळे पारा!
.🍃संतोष
No comments:
Post a Comment