*स्वातंत्र्य वीर सावरकर स्मृती*
गुलाब पुष्पे कोणासाठी
हार कुणाला, रोज फुले,
मार्ग तुझा रे परी काटेरी
पलाश तुझिया साठी फुले.
वसंत कोणा कुणास वर्षा
कुणा गुलाबी शिशिर मिळे
ग्रीष्म सखा तव,तया सोबती
अखंड जीवनज्योती जळे.
कबुतर कोठे भिरभिरणारे,
कुठे पारवळ घुमणारे.
मोर नाचरे, कुणी पाळले,
पोपट वटवट करणारे.
गरुड तुम्ही ते स्थिर गगनींचे,
विहंग वनीचे,फिरणारे!
घुबड दाविती तुम्हा वाकुल्या
स्वतः ढोलीतून लपणारे!
कढत अश्रू तव
सुकती आतच,
वरती परी चैतन्य फिरे !
पदवी,पदके क्षुद्र तुम्हांस्तव
क्रांतिवीरा! कैवल्य उरे
. 🍃संतोष
No comments:
Post a Comment