कधी कधी मला काही
कळतच नाईं!
असं का गं मोठी माणसं
वागतात,सांग आई?
नेहमी खरं बोलावं हं!
बाबा सांगत असतात.
घरात नाही,निरोप ठेवून
खोलीत जाऊन बसतात.
साधी रहाणी उच्च विचार!
सांगत असते ताई,
आरशासमोर नट्टापट्टा
कित्ती करते बाई !
कम्प्युटरवर बघत दादा
बडवत बसतो बोटे,
देत नाही मला,
दमते,खेळून सागरगोटे!
लहान आहेस अजून!
असं आजोबा म्हणत असतात,
मोठी झालीस! म्हणते आजी,
तेव्हा फक्त हसतात!
आता ठरलयं माझं गुपचूप
देवबाप्पा पुढे,
भरभर होईन मोठी!
कुण्णाला सांगू नको हे गडे!
.🍃संतोष
No comments:
Post a Comment