सोन्याच्या गोळ्याला,केशर बोटे
तेजाळ चेंडू हा चालला कोठे?
आकाश तळ्याला,क्षितिज काठ
संध्या ही उकले,अंधार गाठ.
धड ना दिवस,धड ही रात.
हळूच सोडवि, दृश्याचा हात.
कापरासारखा उडाला दिस
हळूच पालटे धरित्री कूस.
जळे सायंधूप,निवला ताप,
गारश्या वाऱ्याचे जीवा उ:शाप!
उरला उबारा शांत होई सारा
उतरला पारा,पाखरां निवारा.
रोजच सोहळा,रोज सायंवेळ
नवाच परंतु रोजचा हा खेळ.
अशाच संध्या ह्या कातर कातर!
हवीशी हुरहूर! मनाला अत्तर!
.🍃संतोष
No comments:
Post a Comment