दिन हे दाहक उष्म्याचे,🔥
टोपी, काळ्या चष्म्याचे.🧢😎
सूर्याचा का चढला पारा 🌞
म्हणे त्रासुनी कुणी बिचारा.
धगधगतो परिसर जरी सारा
मिळे शोधता काही उतारा.
कुणी घेतसे ऊस पिळोंनि,🎋
ताक कुठे सैधवे घोळूनि.
लिंबू सरबत,कुठे शहाळे,🍋🌴
कुठे कलिंगड रसाळ काळे.🍉
थंडगार वाळ्याचे पाणी
फुले मोगरा,मनी,अंगणी.
मधुर अंजिरे टरबूज खरबूज.🍈
संत्री, द्राक्षे करिती हितगुज.🍊🍇
कोकम,जांभूळ अन करवंदे
अगडबंब फणसांची दोंदे.🥔
येतो मागून टाकीत पाऊल
भूपापरी दे आधी चाहूल.
कोकीळ सांगे,ऋतू हा धाला
बहराला आंबा हा आला.🥭
पन्हे गारसें पहिल्या बहरी,
मंद उष्ण चैत्राच्या लहरीं.
राजा हापूस,प्रधान केसर
सचिव पायरी,रस अग्रेसर.
आंबरसास्तव पिळले कोणी
अधीर कोणी चोखे धरुनि.
कुणी नेमस्ते,चिरल्या फोडी
कुणी चाखे कोयींची गोडी.
सुहृद खरे हे गोड सोबती,
सह्य उन्हाळा आपुला करिती.
असा ग्रीष्म येतो दर वर्षी,
शोषदायी परी रसपरिपोषि!
.🍃संतोष
No comments:
Post a Comment