खणखणली शस्त्रास्त्रे,
दणदणली भूमी.
कडकडले नभ सारे,
व्याकुळले व्योमी
जय राष्ट्रा,नवराष्ट्रा ,शक्ती समर्था
दिङमूढ झाली पृथ्वी
पाहून पुरुषार्था.....
कुश्चळ काळी कृत्ये
आता चळणार.
त्यांना जागा त्यांची
आता कळणार
लपवून तोंडे दुर्मुख
आता पळणार
त्यांचे चांद सितारे
आता ढळणार .
जय राष्ट्रा,नवराष्ट्रा ,शक्ती समर्था
दिङमूढ झाली पृथ्वी
पाहून पुरुषार्था.....
सुसज्ज भूदल नौदल अन् वायुसेना
अचूक पडता अस्त्रे
शत्रूची दैना
कणखर नेतृत्वे ते
कोणा ऐकेना
पडघम उठले जगती
*जय हिंद* की सेना
जय राष्ट्रा,नवराष्ट्रा ,शक्ती समर्था
दिङमूढ झाली पृथ्वी
पाहून पुरुषार्था.....
सिंदूर भाळीचा ना
आता पुसणार
करता आगळीक आणि
आता घुसणार
कोटी जनता सारी
सौख्ये हसणार
आता नाही कोणी
अश्रू पुसणार
जय राष्ट्रा,नवराष्ट्रा ,शक्ती समर्था
दिङमूढ झाली पृथ्वी
पाहून पुरुषार्था.....
म्हणोत कुणी आम्ही
मध्यस्थी केली
घाबरला शेजारी
अन् संधी केली
जगात अवघ्या त्याची
नाचक्की झाली
हिरवी पिल्ले आश्रित
धास्तावून गेली
जय राष्ट्रा,नवराष्ट्रा ,शक्ती समर्था
दिङमूढ झाली पृथ्वी
पाहून पुरुषार्था.....
आक्रामक सेना ही
ओळख राहू दे
निर्भय राष्ट्रा क्षितीजी
कुंकुम पाहूदे
सुक्ते नवशक्तीची
जनता गाऊ दे
अवघे काश्मीर आता
अमुचे होऊ दे
जय राष्ट्रा,नवराष्ट्रा ,शक्ती समर्था
दिङमूढ झाली पृथ्वी
पाहून पुरुषार्था.....
.🍃 संतोष
No comments:
Post a Comment