कालचा मी काल गेला,
आजचा येथेच मी!
का उद्याच्या हाती मी
जो,होउ त्यासाठी श्रमी?
चाललेला ताल नाही
द्रुत करोनी फायदा.
मोकळ्या जागा भराया
अन् नको तो कायदा.
षड्ज पंचम स्वरपटावर
चित्र निर्गुण उमटते,
उमटते,मिटते तयातच
अंती काही प्रगटते.
हाती उरले जे स्म्रुतींच्या,
शुभ्र काही कवडसे.
मार्गदर्शन तेच करतील,
अनुभवांचे आरसे.
शब्द घोटीव,अर्थ सुकला
नाही ऐसा मामला,
रस गळूदे,शुद्ध आता
काळ आहे थांबला!
.🍃संतोष
No comments:
Post a Comment