पाहुणा गोजिरा|जीवीचा जिवलग|
ठेवतो सजग| सर्वकाळ||
येई नित्यनेमे|क्षेम देई प्रेमे|
वासना ही शमे|पायी त्याच्या||
कष्ट करि नष्ट|आणि भेद भ्रष्ट|
दुर्गुण हे दुष्ट|घालवितो||
काळमूषकाचा|स्वामी हाच साचा|
सकल सुखांचा|सत्य दाता||
कैसेनि म्हणावे|याला पाहुणा मी?|
सदा अंतर्यामी| सर्वांच्या हा||
उत्सवाकारणे|करी येणे जाणे|
प्रेम देणे घेणे|भक्तांसवे||
एरव्ही हा नित्य|नामसंकीर्तनी|
रमतो भजनी|भाविकांच्या||
द्यावी शुद्ध बुद्धी|नको रिद्धी सिद्धी|
व्हावी भावव्रुद्धी|दिसोदिस||
No comments:
Post a Comment