सलील कुलकर्णी यांची एक पोस्ट वाचत होतो तर आठवलं
काल वरद
भोलानाथ ची कविता
सांग सांग भोलानाथ, शाळा भरेल काय?
अशी म्हणत होता...☺️
ती त्याची कविता मी खाली पुर्ण केलीय...
म्हणजे पहिले शब्द त्याचेच नंतरची कडवी मी जोडली.
वरदची कविता
सांग सांग भोलानाथ?
शाळा भरेल काय?
शाळेत जाण्यासाठी आई
घाई करेल काय?
पुरे झाले बाबा आता
मोबाईलवरचे लेक्चर,
पुरे झाले कार्टून,गेम,
टिव्ही वरचे पिक्चर..
भोलानाथ...
कित्ती दिवस झाले,
नाही पाहिली माझी शाळा.
बाकावरचे पुस्तक आणि
भलामोठ्ठा फळा!
भोलानाथ...
भेटलो नाही भांडलो नाही
मित्रांसोबत यंदा.
फोनवरुन हाय हँलो
म्हणू रे कितींदा?
भोलानाथ..
सुट्टी मागितल्याची शिक्षा
देतोय का रे बाप्पा?
तूच त्याला सांग थोडं
मारुन गोड गप्पा,
कोरोना चा राक्षस मारून
शाळा सुरु कर.
आधीसारखं कर देवा
सगळंच लवकर!
भोलानाथ...
.🍃वरद/संतोष
No comments:
Post a Comment